الرئيسية
بسم الله الرحمن الرحيم
والصلاة والسلام على أشرف المرسلين سيدنا محمد علية أفضل الصلاة وأتم التسليم
أنا حقولكم النهاردة على طريقة مجربة للمذاكرة
بس تنفذوا ألى هقولوا لكم عليه بالحرف الواحد
1- لما تيجى تذاكر فضى دماغك من كل ما يشغلها يعنى لو عندك مشاكل سيبها ورا ظهرك
" يعنى بتفكر ومحتار وسرحان والكلام الفاضى دة خلية بعدين مفيش وقت "
2- لما تيجى تذاكر متذكرش على السرير
" دى طريقة نوم بينصح بيها الأطباء كل من يعانى من الأرق أن يمسك كتاب ويمدد على السرير "
3- لما تذاكر حدد جزئية معينة ولتكن 3 دروس لا تقوم حتى تفرغ منها ويجب مراعاة أن تكون الدروس
متباعدة يعنى درس من الأول ودرس من النصف ودرس من الأخر
عارفين لية ؟
لسببين
السبب الأول : ان المذاكرة بالترتيب بتحسسك ان لسة بدرى قوى ومش حتخلص
والسبب الثانى : انك لو طالب كسول وملحقتش تخلص المنهج يبقى على الأقل أخدت جزء من كل الفصول مش أخدت أول 6 او 7 دروس بس
4- ابدأ بالمادة اللى بتحبها " عشان تفتح نفسك "
5- بلاش الايحاءات السلبية " يعنى يجيلك طالب سلبى يقولك ياااااااااة دى الماده صعبة او معقدة او طويلة متسمعش كلامه يمكن انت اذكى منه
6- خلى عندك ثقة فى ربنا وفى نفسك فمتهزمش نفسك وتقول أنا غبى أنا مش هقدر اخلص وصدقنى لو عندك ارادة حتهد جبال فى حديث عن الرسول صلى الله علية وسلم بس معرفش مدى صحتة بيقول
" لا تمارضوا فتمرضوا فتموتوا " يعنى لا تدعوا المرض فتمرضوا بالفعل ثم تموتوا وطبعا كلنا عارفين ان اكتر من نصف علاج المريض فى حالتة النفسية لابد أن تكون جيدة
7- لا تنام والنور مضئ لأن جسمك طوال النهار يتعرض للضوء وفى الليل يفقد الضوء لكن الشخص الذى ينام فى الضوء يشحن جسمة بالليل وبالنهار فلا يفقد الضوء ولا تنسى أيضا أن النوم فى الظلام يريح الجهاز العصبى والمخ
8- متشغلش بالك بعمل جدول للمذاكرة والتعديل فى الجدول والكلام الفاضى دة لأنك حتاخد وقت فى عمل الجدول وتعديلة لو كنت ذاكرت فى الوقت دة كان احسن لك ثم لو مقدرتش تمشى على الجدول ودا اللى حيحصل هتتعقد فبلاش موضوع الجدول المهم انك تذاكر
9 – عليك بأن تتقرب إلى الله فمن يعرف الله فى الرخاء يعرفة الله فى الشدة " الإمتحان " فإذا كنت لا تصلى فصل من الأن وإذا كنت متبرجة غير محجبة فتحجبى
10- عايز متتوترش يوم الإمتحان ؟ تذكر يوم امتحان اصعب منه فيهون عليك الإمتحان " تذكر وقوفك يوم القيامة أمام الله عزوجل "
ثالثا :
عندى طريقة ذاكرو بها أنا بذاكر بها
الطريقة تعتمد على فكرة مجنونة وغير منطقية
انا بأعمل لنفسى أمتحان وبحل هذا الأمتحان وبيطلع الإجابة من الكتاب
يعنى بغش الإمتحان ؟
ايوة بغش الامتحان
طيب حد هيسأل اية الفايدة من كدة ؟؟؟
انا جاتلى الفكرة لما قرأت معلومة بتقول ان الإنسان لا ينسى أى معلومة يقرأها ولو قراءة عابرة سريعة
بل ويحفظها فى المخ ولو كانت بلغة لا يعرفها ويمكن عن طريق التنويم المغناطيسى جعل الشخص
يكتب ما رأه كتابة واضحة ولو كان يجهل اللغة التى كتبت بها
فالمطلوب انك تمسك امتحانات وتبدأ تحل من الكتاب حتى ولو كنت عارف الحل
طيب هستفاد اية ؟
عشان تدور على الإجابة اكيد حتمر على صفحات لحد ماتوصل للإجابة
بعد تانى امتحان هتلاقى نفسك بقيت بتوصل للإجابة بسهولة وأسرع
بعد خامس امتحان هتلاقى نفسك حفظت مكان الإجابة بل وحفظت اغلب الأسئلة المكررة
بعد ثامن أو عاشر امتحان هتلاقى نفسك حفظت 72 % من المنهج بكل سهولة
بعد كام امتحان هتلاقى نفسك حفظت المنهج بالكامل
التفسير :
ان عينك ذى ما قلنا كاميرا والمخ هارد ديسك بيخزن صورة دائمة واللى انا عملتة إنى أجبرت مخك على
نقل المعلومات اللى بيعدى عليها بلا اهتمام ويضعها فى الجانب المظلم أجبرة ان يضعها فى الجانب المضيئ
أسألك سؤال ؟؟؟؟؟؟؟؟
أنت بتنسى اسم أصحابك الأنتيخ قصدى الأنتيم ؟؟؟؟؟؟؟
لا طبعا
لكن بتنسى أصحابك اللى كلمتهم مرة واحدة ومن زمان ؟؟؟؟؟؟؟
ايوة طبعا
طيب لية ؟؟؟؟
طيب بتنسى ايام الأسبوع ؟؟؟؟؟؟
لا طبعا
طيب لية ؟؟؟؟
السؤالين لهم سبب واحد هو تكرار المعلومة كتير مما يجبر المخ على وضعها فى حالة استنفار
على العكس من المعلومة المهملة التى لا تشغل بال صاحبها والتى توضع فى الجانب المظلم
عارفين ذى اية ؟؟؟؟؟
فى الصيدلية هل برشام البرد والصداع والمغص والإنتفاخ والفوار بيوجد فى الأرفف ؟؟؟؟؟
لا طبعا موجود فى مكان مخصص لأنهم بيطلبوا بكثرة
ملحوظة هامة جدا : التجربة دى والحمد لله وأثبتت فاعليتها 1000%
والله والى التوفيق
